اهم المميزات
تصميم خفيف ومريح مع مقاومه للمياه
الساعة خفيفة جدًا على الإيد وتصميمها عملي يناسب الاستخدام اليومي و كمان بتدعم معيار IP68، يعني ممكن تتحمل رذاذ المياه أو العرق، لكنها مش مثالية للسباحة الطويلة
مراقبة صحية اساسيه مع أنماط رياضية متعددة
فيها مستشعر لقياس نبض القلب، تتبع النوم، وحساب الخطوات، ودي ميزات كافية للاستخدام اليومي و فيها أوضاع رياضية أساسية زي المشي، الجري، وركوب العجل، علشان تتابع نشاطك البدني
واجهة بسيطة وسهلة الاستخدام مع ميزة عرض الأشعارات
التصميم الداخلي للواجهة بسيط ومباشر، مش هتحتاج وقت طويل علشان تفهمها و كمان بتعرض إشعارات المكالمات والرسائل من الموبايل، وده بيخليك تتابعها بسرعة من غير ما تمسك الموبايل
بطارية تدوم لفترة كويسة
بطاريتها بتعيش لفترة طويلة مع الاستخدام العادي، ممكن توصل لأسبوع أو أكتر حسب الاستخدام
ابرز العيوب
شاشة أقل جودة
الشاشة مش AMOLED زي النسخ الأعلى، فالألوان والتفاصيل ممكن تكون أقل وضوح
مستشعرات أقل دقة
زي معظم الساعات الاقتصادية، مستشعرات نبض القلب وقياس الأوكسجين ممكن تكون مش دقيقة زي الساعات الأعلى فئة
نقص الميزات المتقدمة
مش بتدعم GPS مدمج، وما فيش إمكانية لتحميل تطبيقات إضافية أو مزايا زي الرد على المكالمات
الخلاصه
الساعة حلوة لو كنت عايز حاجة اقتصادية وخفيفة ومش محتاج كل المميزات المتقدمة، وبتناسب الناس اللي لسه أول مرة يجربوا الساعات الذكية. لكن لو بتدور على حاجة أعلى في الإمكانيات، النسخ الأكبر زي Oraimo Watch 4 Plus هتكون اختيار أفضل
منتجات اخري